II Premio poesía Johán Carballeira-1997

Yolanda Castaño

Yolanda Castaño

 Yolanda Castaño

Santiago de Compostela, 1977Estudou Filoloxía Hispánica na Universidade da Coruña. Colabora como poeta e crítica literaria en revistas como Festa da Palabra Silenciada, Dorna, A Xanela, La Flama en el espejo, Clave Orión e Quimera e en xornais galegos como O Correo Galego, A nosa Terra e El Mundo.
Gañou premios de poesía coma o Fermín Bouza Brey (1997) e Johán Carballeira (1997)

 

Obra poética:

-Elevar as pálpebras (1995)
-Delicia (1998)
-En antoloxías. Rosalía na palabra de once poetas galegas (1997), Para saír do século. Nova propósta poética (1997) ...

ALIMENTAMOS ó animal.

Un silencio encendido de todos os gustos posibles.

Un silencio que se move.

E eu reclamo un crisantemo de oufanías.

 

Espérame así,

desplumado as asas da noite,

para dar un trago a esta febre que non cala,

ambición de suxedade que incubamos sen vergonza

unha gula insensata e lámbeme por aquí

alimentar noso animal con esta enferma dor que

                                  doe e alimenta.

Vén,

tes que probar isto.

Vén.

Dar un sorbo a unha gana que nunca nos pertence:

danza amarga de serpes

                         que me fala de ti.

 

 

                                           Espiral Maior