SENTINELAS DA BRISA

 

No tránsito: as gamelas encalladas na rampla,

as pezas encascadas ennegrecendo a area,

os ensebados imos subindo azuis bucetas,

o escálamo, os estrobos agardando na praia

o destonar do axexo da muda primavera.

 

Eramos tan cativos, gotas de madrugada,

axóuxeres de nácara rebuldando coas trallas

dun trasmallo engazado nado de nordesía

que esquecera a marmaña que ía esponxando 

                                                 /ás cristas

dun mar de fin da terra a se espertar 

                                                 /nas táboas.

....

 

                                           Espiral Maior