Moncho Paz

Nado en Vilalba en 1970. Licenciouse en Ciencias da Información (rama de Xornalismo) pola Universidade Complutense de Madrid. Especializado en Comunicación Corporativa e en Xestión Empresarial, comezou en 1988 no xornal El Progreso de Lugo, onde segue a colaborar nas páxinas de "Opinión" e "Cultura". Forma parte do staff de redacción de Código Cero, Revista de Noticias Tecnolóxicas de Galicia. É membro da Asociación de Xornalistas de Galicia, da Asociación de Directivos de Comunicación (DirCom), do Club de Expertos Euro da Confederación de Empresarios de Galicia (CEG) e do Instituto de Estudios Chairegos (Vilalba, Lugo). Co-fundador de "Voz de Vilalba". Foi director da revista “Petroglifo” e responsable de prensa da Asociación de Empresarios de Artes Gráficas de Galicia. Desde 1996 desempeña o cargo de consultor de comunicación en IDOM, S.A. (empresa multinacional de servicios profesionais de Enxeñería, Arquitectura e Consultoría).

 

BIBLIOGRAFÍA:

Entre as súas publicacións destacan: Destino: Mozambique (reportaxe en El Progreso), Cela, Periodista, prólogo ó poemario Loita de silencio de Xosé Miguel Barrera, El Progreso, diario de Lugo y su provincia (estudio publicado na revista “Lucensia”) e La Obra poética de Antonio García Hermida, incluída no libro Os poetas de Villalba, así como numerosos artigos sobre comunicación e xestión empresarial.