XIX Premio poesía Johán Carballeira-2016
Pura Tejelo Núñez
Pura Tejelo Núñez
O poetisa Pura Tejelo naceu en A Coruña.
En 2014 gañou o segundo premio do II Certame de Poesía en Lingua Galega Manuel María, da Casa de Galicia en Guipuzkoa, coa obra 'Éramos deuses entre a herba seca de agosto'. En 2016 gañou o Premio Johán Carballeira co poemario 'A elegancia do século'.
O xurado destacou a maneira en que a autora “explora o cotián dun xeito profundo e elaborado, empregando un repertorio de imaxes que con nitidez nos trasladan á anécdota ou situación que deu orixe á reflexión lírica”. Así mesmo apuntaron que son poemas con moita variedade temática e que presentan unha unidade interna.
Obra poética:
-Éramos deuses entre a herba seca de agosto
-A elegancia do século
BAIXO A LÚA VELLA
Baixo a lúa vella de ventá redonda e clara
debruzada nun alféizar de vértigo,
el vén
coa súa xabelina,
extenuado
da súa proba iniciática.
Abaixado
é un león vencido
porque non hai selva na que baterse,
deserto
de infelicidade.
Ela agarda no dintel
arroupada nun mandil de lúa
nun arrabaldo a tramán do mundo
onde regresan os pobres á medianoite
e golpean co desespero
o que aman.