OBSERVACIÓNS

Antonio Cerviño nace na Banda do Río (Bueu). Estuda no Conservatorio de Pontevedra. Mais tarde en Segovia, con Guillermo González. En Estremadura, traballa co mestre Esteban Sánchez que o incorpora ó seu equipo como docente no Conservatorio Profesional de Mérida. Hoxe docente no Conservatorio da Estrada.

Becado pola Deputación de Pontevedra, Instituto Social da Mariña, concello de Vigo e Real Música de Madrid. A lista de premios obtidos iníciase en “Radio Popular de Vigo” para continuar con “Luís Coloman”, etc.

Ecos é colección de 48 pezas musicais destinada a estudantes de violín, viola e violonchelo para o alumnado de grao elemental e profesional. Dividido o libro en tres cadernos: 18 pezas para dous violíns, 10 pezas para trío de corda e 20 pezas para cuarteto de corda.

Coa selección búscase realzar a música ancestral de Galicia mesturándoa con algunhas cantigas medievais trobadorescas en galego-portuguesa.