Xaime Toxo nado na Praia de Pescadoira (Bueu)  no 1955. Pedagogo e mestre especialista en atención ó alumnado con cegueira e discapacidade visual. Fundador no 1974 da Asociación Cultural Liboreiro de Bueu. Na súa etapa universitaria foi membro das asociacións "O Galo" e "O Eixo" e agora presidente do Ateneo de Pontevedra. Con varios primeiros premios de narración e relatos: Murguía (2004), Concello de Paradela (2002) con "As serras orientais". Accesit no premio Modesto Rodríguez Figueiredo (2002). Con numerosos relatos publicados en libros colectivos, revistas e xornais.
Exemplo da Revista Os Galos: No º 1 "Caderno de bitácora dun mariñeiro sentimental"; no nº 2 "En Porto Marte, Agardando a que regrese a Area" e "Poema"; no nº 3 "Víctor de Neboeiro, viñas Ana nunha dorna"; no nº 4 "Os ramallos dunha fronteira incerta"; no nº 5 "Maruja Mallo: A muller carromeiro"; no nº 6 "Bucaneiros de hoxe" e "Ulises volta das illas"; no nº 7 " As pegadas que deixan os soños". Previamente a estes artigos na revista dos IX Encontros de Embarcacións tradicionais escribiu:  "O paxaro no panterlo: home e territorio"
Como aportación ao libro "Xentes dun pobo: Bueu" escribiu o relato curto "O alento das pedras". En "Vilagrafías" de Anxo Cabada: Pontevedra. En "Lembranzas 1890-1945-Bueu": Poema.
Coma relato recente:  Ecos de Afasia, Unha viaxe de inverno